Maniitsumi aallartilluarpugut

Maniitsumi suleqatitaarput Steffen H. Petersen: "Maniitsumi inuussutissarsiortut suleqatigilluarnissaat aallarnisartunillu siunnersuisarnissara qilanaareqaara." Steffen tikilluaqquarput - Qeqqata Kommuniata allaffianut Maniitsumi saaffigineqarsinnaavoq. Oqarasuaat 812344 allaffigaluguluunniit uunga: steffen@acb.gl

Maannamut Steffen Petersen-ip suliffeqarfiit paasiniaaffigalugit ingerlappai, inuussutissarsiornikkut takornariaqarnikkullu unammilligassat suleqatigiiffiusinnaasullu ujartorlugit. Taamaaliornitsigut Maniitsumi iliuusissanik iluaqutaasussanik tikkuusseqataasinnaalernissarput qilanaaraarput.

Juliane Henningsen Maniitsumut angalavoq 07 -10 nov. 2017 Maniitsumi kommunimi sulisut kiisalu suliffeqarfiutillit tusarniaaffigiartorlugit kiisalu Maniitsumi allaffiup ammaqqinneranut atatillugu suliartorluni, taamatullu kommunalbestyrelsemi inuussutissarsiornermut takornariaqarnermullu ilaasortat Ruth Heilmann aamma Sofie Dorthe Olsen ataatsimeeqatigivai. Pilersaarutigaarput Sisimiuni allaffiup Maniitsumilu allaffiup qanimut suleqatigiinnissaat, tulliani Juliane Henningsen Maniitsumut tikissaaq januarip qiteqqunnerani.

Maniitsumi aallarnisaaneq pillugu unnussiuaartitsivugut 20. novembari 2017 Hotelip ataatsimiittarfiani. Aggialluartoqarpoq peqataasullu aallarnisaasuunerup isumaanik nassuiaanneqarput tapiissutinillu periarfissanik qinnuteqarfiusinnaasut Greenland Business-miit ingerlanneqartartut saqqummiuneqarput aallarnisaasumillu Karl Davidsen-imiit saqqummiiffigineqarlutik. Siunertarput tassaavoq innuttaasut namminersorlutik suliffeqarfinnik aallartitsinissaminnut sakkussaqarluarnissaat saaffissatillu pillugit ilisimasaqarlualernissaat.

Naggataatigullu ataasiakkaat siunnersorneqarlutik aallarnisaaniarnermikkut.

3911 Sisimiut

Umiarsualivimmut 2, 1. sal

 

3912 Maniitsoq

Kuuttartoq B1077, 3. etage

 

Sisimiut

+299 86 35 00

Maniitsoq

+299 81 23 44