top of page

Destination Arctic Circle-mi Takornariaqarnermut siunnersorti

Destination Arctic Circle, Arctic Circle Business-ip ataani takornariaqarnermi suleqatigiinnermik suleqatigiiffiuvoq.

Takornariaqarnermi siunnersortip suliassaasa pingaarnerit ilagaat inuussutissarsiornikkut ineriartornermut peqataassalluni kiisalu Destination Arctic Circle-mi takornariaqarnerup siammarternissaa. Atorfimmi pisinnaasat makku pingaartippagut:

  • Namminersorluni suliaqarsinnaaneq, suliniutini annertuuni siuttuusinnaaneq,

  • Suliniuteqarnermi isummarsiamiit piviusunngortitseqataaneq ilanngullugu pisinnaassuseqassasutit, imaappoq allattariarsorneq timitaliinerlu nukittuffigissavatit,

  • Oqaloqatigiisitsineq suleqatigiisitsinerlu nukittuffigissavatit, tassami pisortat oqartussaqarfii suliffeqarfiillu namminersortut suleqatigisartussaavatit,

  • Takornariaqarneq pillugu ilisimalikkat nutaat annertusinnaasartullu inerititaqarfiusumik paasinarsarlugit ingerlateqqissinnaassavatit, inatsisit, tusarniaanerit allallu ilanngullugit. Siammartikkanik tigusisussat assigiinngitsuunerat eqqummaariffigissavat.

  • Atorfimmit assingusumik misilittagaqarnissaq oqaatsinillu kalaallisut, qallunaatut tuluttullu qaffasissumik pisinnaasaqarnissat.

Suliassat:

  • Qeqqata kommunia, Namminersorlutik Oqartussat kiisalu siulersuisut suleqatigalugit kommunitsinni ineriartorfiusinnaasut sinaakkutissaat pillugit sulineq.

  • Suliniutit aalajangersimasut Qeqqata Kommunia-nut isumaqatigiissutaasimasut.

  • Piffiup takornariaqarfittut ilisarnaatigisai Rough. Real. Remote. Aallaavigalugit Visit Greenland-ip nittarsaassineranut tamakkiinerusumut tapertaaneq.

  • Takornariaqarnerup inuussutissarsiutitut nutartertuarnissaa anguniarlugu suliniutinik ineriartortitsineq.

  • Nunap ilaani takornariartitsisartut inuussutissarsiutitigut iliuusissat pillugit oqaloqatigisarnissaat, atuinissamut akuersissutit, attaveqaatit kiisalu nittarsaassinerit assigiinngitsut pillugit.

  • Takornariaqarfittut nittarsaanneqartut B2B nittartakkap arcticcircle.gl-ip ingerlannera.

  • Nittartakkatigut takusassianik ineriartortitsineq siammarterinerlu.

  • Ataatsimeersuarnerni Inuussutissarsiornikkut siuarsaanermut siunertaqartuni peqataaneq kiisalu ilinniartitaanikkut iliuutsini peqataaneq.

  • Inuussutissarsiortunut siunnersuineq kiisalu takornariartitsisartut neqeroorutigisartagaannik ineriartortitseqataaneq.

  • Suliassat allat peqataaffigineqartarnissaat naatsorsuutigineqassaaq.

Atorfik pillugu paasisaqarnerorusukkuit pisortaq Juliane Henningsen attavigisinnaavat: JH@acb.gl

Atorfinitsitsinissaq immikkut isumaqatigiissuteqarnikkut pissaaq, 1. januar 2018 isumaqatigiissuteqarnikkulluunnit pissalluni. Atorfik Sisimiuni inissisimavoq. Arctic Circle Business inissarsiornermi ikiuussinnaavoq taamatullu atorfininnermut atatillugu angalaneq nutsernerlu maleruagassat naapertuuttut atorlugit isumagineqassapput.

Qinnuteqaat, CV, oqaaseqaatillu ilanngullugit Arctic Business-imit tigoreerneqarsimassapput 10. Dec. 2017

uungalu nassiunneqassallutik: jh@acb.gl

bottom of page