Suliffeqarfik nikerarsinnaasoq

Erhvervsrådi, Arctic Circle Business Qeqqata Kommuniani suliffeqarfiit attavigaai, periarfissat misissornissaannut una siunertaralugu "sulisunik avitseqatigiinneq" - sulisut 40 tiimit ataallugit tiimimusiallit - tassa imak paasillugu sapaatip akunnerani 40 tiimit ataallugit suliffillit.

Erhversrådip eqqarsaatersuutaa piumasaalu sulisoqarnermi, sulisut attatiinnarnissaannut suliffeqarfiit sulisuminnik avitseqatigiinnerasigut.

Siunertaq unaavoq, akissarsiat naammaginartut suliffeqarfinnut aammalumi sulisunut - minnerunngitsumillu iluarsaarnartumik nuannaarnerlu suliartornermi, taamatut aaqqissuussinermi suliffinnik 40 tiimit ataallugit suliffiutilinnut,

Apeqqutaaginnarput suliffeqarfiit eqinnattumik akuunissaannut piareersimanissaannullu, aqqummik nutaamik pitsaanerusoq anguniarlugu sulisunut aammattaaq suliffeqarfiutilinnut.

Suliffeqarfiit sapaatip akunnerata siuliani attavigineqarnikuupput kajumissaarneqarlutillu isummaminnik akeqquneqarlutik, aamma saaffiginninnerit maannamut tigulluarneqartutut nalunaarutigineqarsinnaallutik.

Havnerådimiit aamma Kalaallit nunaanni sulisitsisut peqatigiiffianniit eqqartorneqarpoq, oqaatigineqarlunilu suliffeqarfiit akuliunnerannut piumasaq iluatsilluarsinnaasutut naqissuserneqarluni.

Projektinik suleqataasoq Susanne Høegh, Arctic Circle Business-miit, "Projekt Job-Bank"-mik atserlugu aqutsisoq saaffiginnissutsit arlariit tigusinnaavaai aammalu Sivdlek'mut oqariartuuteqarluta, Erhvervsrådit piumasaraa aammalu neriuutigaa una pilersaarusiaq Qeqqata Kommuniani inuussutissarsiornermi suli ineriartortumi iluaqutaajumaarnissaanut.